தென்காசி குத்துக்கல்வலசை ஆக்ஸ்போர்டு மெட்ரிக் மேல்நிலைப் பள்ளி பிளஸ் 1 அரசு பொதுத் தேர்வில் 100 சதவீத தேர்ச்சி பெற்றது. தென்காசி குத்துக்கல்வலசை ஆக்ஸ்போர்டு மெட்ரிக் மேல்நிலைப்பள்ளியில் பிளஸ் 1 அரசு பொதுத் தேர்வு எழுதிய 92 மாணவ, மாணவிகளும் முதல் வகுப்பில் தேர்ச்சி பெற்றனர். பள்ளி 100 சதவீத தேர்ச்சி பெற்றது. 600 மதிப்பெண்களுக்கு 563 மதிப்பெண்களுக்கு மேல் ஒருவரும், 545 மதிப்பெண்களுக்கு மேல் 4 பேரும், 500 மதிப்பெண்களுக்கு மேல் 12 பேரும் 450 மதிப்பெண்களுக்கு மேல் 33 பேரும் பெற்றுள்ளனர். வெற்றி பெற்ற மற்றும் சாதனை படைத்த மாணவ, மாணவிகளை பள்ளி முதல்வர் திருமலை, தாளாளர் அன்பரசி திருமலை, தலைமையாசிரியை குழந்தை தெரசா, உதவி தலைமையாசிரியை சுப்பம்மாள், நிர்வாக அலுவலர் கணேசன் மற்றும் ஆசியரிய, ஆசிரியைகள், பெற்றோர்கள் பாராட்டினர்.